Matcha og lime chiagrautur sem er ofur hollur og góður. Þessi grautur er stútfullur af góðum innihaldsefnum sem næra líkamann okkar og sál. Matchað vekur líkamann mjúklega en það er einnig mjög andoxurnarefnaríkt. Chiafræin eru rík af trefjum og omega 3 fitusýrum. Hafraskyrið gerir svo chiagrautinn meirar seðjandi og gefur meiri fyllingu í bragðið.
Ég margfalda oft þessa uppskrift og hef nokkur svona glös tilbúin inní ísskáp til þess að eiga til í morgunmat. Þannig spara ég mér tíma og tiltekt með því að búa til marga holla rétti í einu.
Uppskrift og myndir frá Lindu Ben.
Innihaldsefni
-
2 msk chia fræ
1 1/2 dl plöntumjólk (ég nota yfirleitt heimatilbúna möndlumjólk)
1 tsk matcha
1 tsk vanilludropar
1 tsk hunang eða hlynsíróp (má sleppa)
150 g hafraskyr frá Veru Örnudóttir með lime og kókos
1 msk pistasíuhnetur
Aðferð
-
- Blandið saman chia fræjum, plöntumjólkinni, matcha, vanilludropum og hunangi, látið standa í u.þ.b. 15-20 mín eða þar til blandan er orðin þykk. Það er gott að hræra regluulega í blöndunni á meðan hún er að taka sig.
- Setjið hafraskyrið ofan á chiablönduna. Skerið pistasíuhneturnar og deifið yfir.
Verði þér að góðu!
