Hér höfum við uppáhalds kalda hafragrautinn minn þessa stundina, hann er alveg einstaklega bragðgóður!
Það sem ég elska við kalda hafragrauta er að maður getur gert þá með löngum fyrirvara og átt tilbúna inn í ísskáp þegar manni vantar eitthvað gott og mjög hollt. Það er líka upplagt að taka með sér kalda hafragrauta í nesti.
Grauturinn er stútfullur af góðum næringarefnum og heldur manni söddum lengi.
Hann inniheldur með annars hnetusmjör og jarðaberjasultu, jarðaberja hafraskyr, chia fræ og auðvitað hafra. Grauturinn er án mjólkurvara og er vegan.
Uppskrift og myndir frá Lindu Ben
Innihaldsefni
-
50 g hafrar
1 msk chia fræ
150 g jarðajarja hafraskyr frá Veru
1 msk hnetusmjör
1 dl vatn
Sykurlaus jarðaberjasulta
Frosin hindber
Múslí (má sleppa)
Aðferð
-
1. Setjið hafra, chia fræ, jarðaberja hafraskyr ogg hnetusmjör í skál. Hrærið saman.
2. Bætið vatninu saman við og hrærið þar til allt hefur samlagast. Leyfið blöndunni að taka sig í ca 30 mín.
3. Skiptið blöndunni í tvo hluta, setjið fyrst botnfylli í glösin og setjið u.þ.b. 2 tsk af sultu í hvort glasið, setjið svo restina af grautnum yfir.
4. Hægt er að loka glösunum og geyma inn í ísskáp yfir nótt (geymst vel í 2-3 daga), en grauturinn er góður eftir u.þ.b. 30-60 mín.
5. Toppið grautinn með hindberjum og smá múslíi.
Verði þér að góðu!
