Skip to content Skip to footer
Facebook Instagram
Facebook Instagram
Close
uppskriftir

Epla og hlynsírópskanilsnúðar, mjólkur og eggjalausir

October 13, 2023

Þessa kanilsnúða verða allir kanilsnúðaaðdáendur að smakka. Þeir fagna öllu því besta sem haustið hefur upp á að bjóða þar sem þeir eru fylltir með klassískri kanilsykurssmjörsblöndu og eplum sem gerir þá ennþá meira djúsí. Kansilsnúðarnir eru svo smurðir með hlynsípópsglassúri, algjör bragðsprengja.

Þessir kanisnúðar eru fyrir alla, þeir eru án algengra ofnæmisvalda þar sem þeir eru eggjalausir, mjólkurlausir og vegan.

Uppskrift og myndir frá Lindu Ben.

Innihaldsefni

  • Snúðar:
    7 g þurrger
    100 ml heitt vatn
    250 ml Hafrajógúrt með Vanillu og kókos frá Veru Örnudóttir
    80 g brætt jurta/vegan smjör
    450 g hveiti
    ½ dl sykur
    1 tsk salt

    Fylling:
    120 g mjúkt jurta/vegan smjör
    2 dl sykur
    2 msk kanill
    2 epli

    Glassúr:
    400 g flórsykur
    4-5 msk hlynsíróp

Aðferð

    1. Byrjið er á að setja hafrajógúrt í skál, hitið 100 ml af vatni að suðu og hellið út í jógúrtið, blandið saman. Bætið gerinu útí og hrærið.
    2. Setjið hveitið í skál, bætið út í það sykrinum og saltinu.
    3. Bræðið jurta smjörið, leyfið því að kólna svolítið.
    4. Hellið jógúrt-gerblöndunni út í hveitið og hrærið, hellið brædda smjörinu einnig út í á meðan deigið hnoðast.
    5. Látið deigið hefast í 1 – 1 ½ klst eða þangað til deigið hefur tvöfaldast í stærð.
    6. Þegar deigið hefur hefast, dreifið þá svolítið af hveiti á borðið, takið deigið úr skálinni og fletjið það út í um það bil 20×40 cm flöt.
    7. Blandið saman mjúku vegan smjöri, sykri og kanil í skál, hrærið þar til blandað saman.
    8. Smyrjið fyllingunni yfir allt deigið. Skerið eplin í litla bita og dreifið yfir.
    9. Rúllið svo upp deiginu frá 40 cm endanum í lengju og skerið hana svo í 12 – 15 bita.
    10. Smyrjið frekar stórt eldfast mót með smjöri og raðið snúðunum ofan í formið, það má vera frekar rúmt á milli snúðanna því þeir eiga eftir að stækka.
    11. Leggið hreint viskustykki yfir formið og látið snúðana hefast í um það bil 30 mín.
      Stillið ofninn á 175°C og undir og yfir hita.
    12. Setjið snúðana í ofninn og látið bakast í 35-45 mín (tími fer eftir hversu þykkir snúðarnir eru) eða þangað til þeir eru orðnir fallega gullnir á litinn.
    13. Hrærið saman flórsykur og hlynsíróp og smyrjið yfir volga snúðana.
Verði þér að góðu!

aðrar uppskriftir