Bakað blómkálssalat er léttur og góður grænmetisréttur sem þér á örugglega eftir að líka vel við.
Blómkálið og kjúkllingabaunirnar eru vel kryddaðar og borið fram á klettasalat beði með próteinríku quinoa, sítrónusneiðum og kóríander. Það sem gerir salatið svona djúsí og gott er að sjálfsögðu sósan eins og svo oft með salöt. Sósan er gerð úr nýja vegan gríska jógúrtinu frá Veru Örnudóttir. Áferðin á því er alveg einstaklega mjúk og alveg eins og alvöru grískt jógúrt, bragðið er að sjálfsögðu líka virkilega gott líka.
Mér finnst alveg æðislegt að nota hreinu jógúrtina í matargerð. Útbúa úr því dressingar, sósur og fleira.
Uppskrift og myndir frá Lindu Ben.
Innihaldsefni
-
1 blómkálshaus
300 g niðursoðnar kjúklingabaunir
2 msk olífu olía
1 msk papriku krydd
1 tsk hvítlaukskrydd
1 tsk chillí krydd
1/s tsk pipar
1/4 tsk salt
2 dl quinoa
150 g klettasalat
Ferskt kóríander
1 sítrónaSósan
200 g hrein jógúrt að grískum hætti frá Veru Örnudóttir
2 hvítlauksrif
Safi úr 1 sótrónu
1 msk ferskt kóríander
1 mak hunang
Salt og pipar
Aðferð
-
- Kveikið á ofninum og stillið á 180°C, undir og yfir hita.
- Skerið blómkálshausinn í bita og raðið á smjörpappírsklædda ofnplötu. Skolið kjúklingabaunirnar og þerrið þær, setjið á ofnplötuna.
- Dreifið ólífu olíu yfir ásamt paprikukryddi, hvítlaukskryddi, chillí kryddi, pipar og salti, blandið öllu mjög vel saman. Bakið inn í ofni í u.þ.b. 20 mín eða þar til blómkálið er oðrið mjúkt í gegn.
- Skolið quinoað vel í sigti og setjið það svo í pott ásamt 4 dl af vatni. Sjóðið á vægum hita í u.þ.b. 15 mín eða þar til það hefur tvöfaldast í stærð, orðið mjúkt og vatnið allt gufað upp.
- Útbúið sósuna á meðan. Setjið jógúrtið í skál og kreystið sítrónusafann úr sítrónunni í skálina. Rífið hvítlauksrifin niður í skálina. Saxið kóríanderið smátt niður og bætið einnig í skálina ásamt hunangi, salti og pipar. Blandið öllu vel saman.
- Raðið klettasalati á stóran disk, setjið blómkálið og kjúklingabaunirnar yfir. Dreifið quinoa yfir og sósu.
- Skreytið með fersku kóríander og sítrónusneiðum.
Verði þér að góðu!
